Maneho di sèn ta un parti di e bida komo studiante ku hopi ta lucha kuné. Bo no tin mester di tin hopi sèn pa evitá problemanan finansiero ora bo ta studia. Loke ku sí ta esensial pa evitá problema finansiero ta: un atministrashon finansiero na òrdu. Esaki ta un di e tepnan ku mi a duna bo den mi buki: ‘Hulanda? Stò’i nèk!’.

Aki bo por download un modèl grátis ku bo por usa pa bo atministrashon finansiero. E modèl aki ta duna bo e chèns pa traha bo budget pa luna i tambe e ta yuda bo  mantené un bon bista riba bo montante di spar. Tep: usa pa kada aña (eskolar) un formulario nobo.