Hulanda?
Stò'i nèk!

Optenibel na
Aruba
de Wit & van Dorp​
Bonaire​
ADDO's bookstore
Curaçao​
Mensing's caminada, Bruna​

Hulanda? Stò'i nèk!

Un guia pa yuda bo prepará pa bai Hulanda, perserverá i alkansá bo metanan.

Si bo ke bai Hulanda, studia i terminá ku un diploma den bo man, e buki akí ta pa bo! Un guia yená ku entre otro:

  • Historia real di studiante i èks studiante 
  • Informashon tokante e idioma i kultura hulandes
  • Lista di kontrol (checklist) pa e promé luna na Hulanda
  • Tep pa dil ku sèn, heimwé i soledat
  • Lista di deseo (Bucketlist) pa disfrutá di dje na Hulanda

Ku e buki akí komo bo guia, bo ta kuminsá prepará na tempu, bo ta tuma kontrol di bo bida i lo bo ta satisfecho ku e bibá ku bo ta forma komo studiante. Si bo ta bai, bai p’é!

“Mi ta spera e buki aki sirbi pa yuda studiantenan pa prepará pa nan emigrá pa Hulanda, i saka lo maksimo di nan estadia. Mi soño ta pa nos tin mas i mas yu di tera eksitoso i ku orguyosamente por regresá bèk pa aportá na nos país.”

Marhainska W.
Sakoetoe

Komentarionan

'Un buki ku mi ta rekomendá tur futuro studiante ku ta bai studia na Hulanda, esnan ku ta studiando aya kaba i nan mayornan pa lesa. E buki ta kubri tur aspekto di e bida di un studiante na Hulanda. Loke mas mi a gusta di e buki ta ku bo ta haña tepnan balioso kon pa deal ku kada situashon. Tin hasta espasio pa bo pone bo mes situashonan i sentimentu riba papel pa bo por reflekshoná riba dje. Den un solo palabra, TREMENDO!'
- Juliette Chirino Mendez, Stichting Studiefinanciering Curaçao.

Hopi studiante i yu di Kòrsou hóben ku aspirashon ta subi Hulanda kurpa habrí sin sa realmente kiko pa tene kuenta kuné i kiko pa spera di e bida i kultura. E buki akí ta prepará, guia i sostené e studiante pa e por tin éksito den bida na Hulanda. No tin un formula universal pa éksito, pero preparashon i siñansa basá riba investigashon i eksperensia bon i malu lo evitá e elemento di sorpresa i insertidumbre i asina minimalisá chèns pa frakaso.
E buki akí ta instruí i aktivá e lesadó, e ta hasi hóbennan mas outokrítiko i ta motivá nan pa analisá nan vishon i pashon strukturalmente riba kon nan mester kambia. Ami lo rekomendá e buki akí na un i tur ku tin pensá pa bai studia. E buki aki ta kontené historia di bida real kaminda tabatin triunfo i derota; pues e lesadó ta siña di logro i fayo di otronan. E sabiduria di eksperensia genuino ta sumamente balioso. E buki akí lo ta un tremendo regalo pa duna bo yu, bo subrino, bo ruman, bo amigu, bo bisiña òf simplemente un konosí riba ruta pa tera frui.
- Rendel Rosalia MEd, dosente papiamentu.